Siç edhe kishte thënë Benjamin Franklin, fjetja dhe zgjimi herët e bëjnë një njeri të shëndetshëm, të pasur e të mençur. Por, përveçse nëse flini herët, zgjimi herët në mëngjes nuk është gjë e lehtë, ndonëse ofron përfitime të shumta shëndetësore.
Shkenca ka konfirmuar efektet e shumta pozitive që sjell zgjimi herët:
Paqe dhe qetësi
Zgjimi nga gjumi para shumicës së njerëzve ka avantazhet e veta. Nuk do të ballafaqoheni me trafik në komunikacion, me zhurma të ndryshme, prandaj edhe do ta shijoni qetësinë dhe paqen. Relaksohuni dhe dëgjoni mendimet tuaja, admirojeni mëngjesin dhe fillojeni ditën me humor të mirë. Kjo do t’jua përmirësojë shëndetin mendor, do rrisë nivelet e oksigjenit në tru, do ulë shtypjen e gjakut dhe lehtësoj dhimbjet e migrenës.
Planifikimi dhe organizimi i ditës
Nëse zgjoheni më herët, do të keni më shumë kohë të mendoni dhe të organizoni. Nëse jeni më të organizuar, ju do të keni më pak stres dhe do të jeni më shumë produktiv.
Produktiviteti
Njerëzit që zgjohen herët janë më të përqendruar dhe disiplinuar, rrjedhimisht më produktivë. Këta njerëz janë më bashkëpunues, më këmbëngulës dhe kanë më shumë energji për t’i planifikuar më mirë aktivitetet.
Koha për vaktin e mëngjesit
Jemi duke jetuar në një botë ku gjithsecili është me nxitim për të shkuar diku, ndaj gjithmonë kemi mungesë të kohës. Sidoqoftë, nëse zgjoheni më herët, ju do të keni më shumë kohë të përgatitni mëngjesin, i cili është vakti më i rëndësishëm i ditës.
Përveç këtyre, zgjimi herët ndikon që të keni edhe gjumë më kualitativ, nota më të mira, pamje më të mirë fizike, etj.
