Një banesë është përfshirë nga flakët në lagjen Sheq i Madh në Fier.

Kanë qenë fqinjët që kanë parë të dalë tym nga banesa dhe kanë njoftuar repartin zjarrfikës.

Falë ndërhyrjes së shpejtë të tyre, është bërë i mundur neutralizimi i flakëve. Në momentin kur ka rënë zjarri, në banesë nuk ndodheshin njerëz.

Nga zjarri ka pasur dëme të shumta materiale. Shkaku i zjarrit dyshohet të jetë një ventilator që ishte lënë në punë.