Një traget me 875 pasagjerë në bord u përfshi nga flakët gjatë natës në detin Egje.

“Elefterios Venizelos”, që bënte linjën Hania-Pire, mundi të mbërrinte rreth orës 7 të mëngjesit në Portin e Pireut, ku edhe u evakuuan pasagjerët dhe një pjesë e mjeteve.

Sipas dëshmitarëve, shkak i zjarrit thuhet të ketë qenë një shpërthim në garazhin e tragetit.

Në bordin e tij ndodheshin edhe shumë emigrantë e turistë shqiptarë, megjithatë, nga ngjarja nuk ka pasur asnjë të lënduar.