Përkeqësimi i motit në pothuajse gjithë vendin ka bërë që policia e shtetit të dalë me një njoftim duke i bërë apel drejtueseve të mjeteve që të kenë kujdes. Shqipëria është përfshirë nga moti i keq prej orëve të para të ditës së sotme. Në të gjithë territorin ka patur reshje shiu, ndërsa në zonat malore nuk kanë munguar as reshjet e dëborës.
Deri në këto momente situata parqitet normale dhe të gjitha rrugët janë të aksesueshme dhe kalohen pa problem.
Policia e Shtetti u ka bërë apel të gjithë drejtuesve të mjeteve që të respektojnë rregullat e qarkullimit rrugor dhe të reduktojnë shpejtësinë, për të shmangur aksidentet.
Njoftimi:
Apel për më shumë kujdes gjatë drejtimit të automjeteve dhe motomjeteve.
Shërbimet e Policisë kanë rritur prezencën në akset rrugore urbane e rurale për shkak të motit me reshje shiu dhe në disa zona malore me reshje dëbore .
Firmat kontraktore për mirëmbajtjen e rrugëve po punojnë për pastrimin e rrugëve nga bora dhe për shpërndarjen e kripës, si dhe për pastrimin nga rënia e inerteve në zonat me intensitet të lartë të reshjeve të shiut . Deri tani nuk ka asnjë aks rrugor të bllokuar.
Policia Rrugore apelon për drejtuesit e mjeteve që të bëjnë kujdes në lëvizje, të respektojnë sinjalistikën rrugore , të reduktojnë shpejtësinë, të pajisen me zinxhirë dhe goma dimërore dhe të ndjekin udhëzimet e shërbimeve të Policisë Rrugore .
Në rast nevoje për ndihmë, telefononi në numrin 112.
#zbatonirregullateqarkullimitrrugor
#Policianesherbiminteqytetareve
