Një adoleshent shqiptar me origjinë nga Kosova është viktima e radhës në vazhdën e goditje me thikë që ka pllakosur Anglinë këto 18 muajt e fundit.

15-vjeçari Elton Gashaj u godit për vdekje me thikë në zonën Salt Hill Park, Slough, Berkshire.

Sipas policisë, kjo ngjarje e rëndë ndodhi pas një përplasjeje mes dy grupeve të përbërë nga të rinjtë nga ku humbi jetën i riu shqiptar.

Vera Gashaj, nëna e të ndjerit, deklaroi se ajo e kishte paralajmëruar policinë se djali në të shkuar kishte qenë subjekt sulmesh, pasi ai kishte ndërtuar një shoqëri të papërshtatshme.

Dy djem të moshës 15 vjeç dhe një tjetër i moshës 17 vjeç janë ndaluar nga policia, si të dyshuar për vrasje.