Një tjetër aksident është regjistruar ditën e sotme në fshatin Ruzhdie të Patosit. Një kamionçinë tip “Mercedes Benz” me drejtues shtetasin me iniciale L.Sh, banues në Patos, është goditur me autoveturën tip “Mercedes Benz” të drejtuar nga shtetasi me iniciale A.K.
Si pasojë e përplasjes së fortë, të dy drejtuesit e mjeteve kanë mbetur të lënduar dhe janë transportuar me urgjencë drejt Spitalit Rajonal Fier. Sipas burimeve spitalore, ata gjenden nën kujdesin e mjekëve dhe janë jashtë rrezikut për jetën. Grupi hetimor po punon për zbardhjen e rrethanave të këtij aksidenti.
