Tirane, 8 nentor 2013- Pak kohe pasi permbaruesit kane hyre brenda ambienteve te godines së Partisë Social Demokrate, të drejtuar nga Skënder Gjinushi, dhe kane filluar te bejne nxjerrjen jashte sallave te materialeve, ka nderhyre Policia e Shtetit dhe FNSH-ja, duke nxjerre jashte pronaret dhe permbaruesit. Pas kesaj, objekti eshte mbyllur me dryn, duke e lene ne ruajtje te policise private te kontraktuar nga vete PSD.
Policia ka kerkuar largimin e gjithe personave nga godina, perfshire edhe permbaruesin privat, edhe nenkryetarin e dhomes se Permbaruesve, Alimadhi si dhe medias qe ishte brenda ambienteve. Nje nga perfaqesuesit e policise ka theksuar se do te boshatiset ambienti, sepse do t’i rikthehet pronarit te ligjshem.
Nderkohe Nelaj ne nje deklarate per mediat i ka bere thirrje ministrit te Brendshem te terheqe forcat policore, pasi permbarimi eshte aty ne zbatim te ligjit.
“Ne kete pune kemi, javen tjeter serish ketu do jemi, edhe keta ketu. Ka qene me urdher nga lart, ka filluar terrori i kuq”- tha ai.
Ne nisje pati nje perplasje me policine private qe ruante objektin, por me pas permbarimi hyri ne sallat brenda godines.
Dyert kane qene te mbylluara dhe jane hapur me force, si ajo ne hyrje te godines, edhe dera brenda salles. Permbaruesit i kane bere thirrje kreut te PSD-se, Gjinushi te dorezoje celesin, nderkohe qe ky i fundit ka reaguar per mediat, duke thene se nje grup hajdutesh duan te rrembejne godinen.
“Anomali qe nuk duhet te ekzistonte, meqenese ka vendim te gjykates per te zbatuar Permbarimi erdhi, nese do te ishte e pranishme Policia e Shtetit nuk do te kishim kete anomali dhe nuk kishte pse te konfrontoheshin njerezit”- tha permbaruesi Nelaj.
