Një peshkatar i ka mbijetuar mrekullisht fundosjes së anijes së tij të peshkimit në brigjet e Tajlandës duke përdorur frigoriferin e tij si varkë shpëtimi.
Anat Massoyot u shpëtua nga një anije që kalonte pasi kaloi gjashtë orë duke lundruar në detin Andaman në brigjet perëndimore të Tajlandës të dielën.
Varka e tij u godit nga një valë e madhe pranë ishullit Koh Lao Hang në provincën Krabi të vendit disa milje larg bregut dhe pa asnjë anije tjetër në zonë.
Por frigoriferi i tij, i përdorur zakonisht për të mbajtur peshkun e tij të freskët deri në kthimin në breg, rezultoi të ishte një shpëtim dhe e mbajti atë gjallë, në det për orë të tëra para se të shpëtohej.
Duke u nisur të dielën në mëngjes, Anat tha se moti fillimisht kishte qenë i qetë. Por kushtet u përkeqësuan shpejt dhe deti u bë më i dhunshëm.
Katastrofa ndodhi kur një valë veçanërisht e madhe u përplas në varkën e Anatit, duke e përmbytur atë me ujë dhe duke dëmtuar trupin e anijes.
Pasi anija po merrte ujë me shpejtësi, 33-vjeçari, vendosi që shansi i tij më i mirë për të mbijetuar do të ishte të përdorte frigoriferin ku mbante peshkun, si varkë shpëtimi.
Duke hedhur frigoriferin në ujë, Anati u ngjit në trapin e improvizuar derisa një anije erdhi dhe e shpëtoi.
