SHBA, 1 gusht 2014 – Pilotja 30-vjeçare nga Kosova, Valdete Mehanja, muajin e kaluar ka fituar garën e përvitshme ajrore “Air Classic Race”.
Në këtë garë për gratë pilote, e cila ka filluar të organizohet që nga viti 1929, kanë marrë pjesë 50 ekipe nga Shtetet e Bashkuara dhe Kanadaja.
Valdete Mehanja, shtetase e Kosovës dhe bashkëpilotja Nancy Snyder, përfaqësuan kolegjin e aeronautikës Embry-Riddle në Florida, në të cilin Mehanja punon si instruktore.
Në të ardhmen, pilotja kosovare dëshiron të kthehet në vendlindjen e saj për t’i trajnuar të rinjtë në fushën e aviacionit.
/agjencia e lajmeve “Dyrrah”/
