Një 20-vjeçar është plagosur me thikë paraditen e sotme në një lokal në qytetin e Vlorës.
Burimet zyrtare bëjnë me dije se i riu ndodhet jashtë rrezikut për jetën.
“Në orës 10:50 në lagjen “24 Maji”, Vlorë, në një lokal, dyshohet se pas një konflikti të çastit, është goditur me thikë A. L., 20 vjeç, jashtë rrezikut për jetën. Autori i ngjarjes dyshohet se është A.V dhe shërbimet e Policisë janë vënë në ndjekje të tij.”, njofton policia.
Grupi hetimor ndodhet në vendngjarje dhe po punon për zbardhjen e ngjarjes.
