Një plagosje me thikë ka ndodhur mëngjesin e sotëm në lagjen “Skëndërbeg” të qytetit të Shkodrës.
Policia njofton se gjatë një konflikti të çastit për motive të dobëta, 26-vjeçari Anton Gj., ka dëmtuar me thikë 22-vjeçarin, Armandio Gj., i cili po merr asistencë mjekësore dhe është jashtë rrezikut për jetën.
Pasi ka plagosur të riun, 26-vjeçari është larguar nga vendi i ngjarjes. Shërbimet e Policisë kanë shkuar menjëherë në vendin e ngjarjes dhe vijojnë krehjen e zonës, me qëllim kapjen e 26-vjeçarit.
Ndërkaq, grupi hetimor po punon për sqarimin e rrethanave të rastit.
Njoftimi i policisë:
Dëmtoi me mjet prerës (thikë), një 22-vjeçar, gjatë një konflikti të çastit, Policia identifikon autorin dhe vijon kërkimet për kapjen e tij.
Rreth orës 09:10, në lagjen “Skënderbeg”, dyshohet se gjatë një konflikti të çastit, për motive të dobëta, shtetasi A. Gj., 26 vjeç, ka dëmtuar me mjet prerës (thikë), shtetasin A. Gj., 22 vjeç, banues në fshatin Hot i Ri, i cili po merr asistencë mjekësore dhe është jashtë rrezikut për jetën.
Shërbimet e Policisë kanë shkuar menjëherë në vendin e ngjarjes dhe vijojnë krehjen e zonës, me qëllim kapjen e 26-vjeçarit
Ndërkaq, grupi hetimor po punon për sqarimin e rrethanave të rastit.
