Policia e Durrësit ka arrestuar një 56-vjeçar i cili pas një konflikti për motive të dobëta ka plagosur me thikë një 25-vjeçar.

Nga burimet zyrtare mësohet se, ngjarja ka ndodhur një ditë më parë në lagjen nr.16 të qytetit të Durrësit.

NJOFTIMI I PLOTË

Specialistët për Hetimin e Krimeve në Komisariatin e Policisë Durrës arrestuan në flagrancë shtetasin:

P. B., 56 vjeç, banues në Durrës.

Ky shtetas, më datë 09.03.2020, në lagjen nr. 16, Durrës, pas një konflikti për motive të dobëta, ka goditur me mjet prerës (thikë), në pjesën e gjoksit, shtetasin A. N., 25 vjeç, banues në Durrës, i cili ndodhet në spital nën kujdesin e mjekëve.

Materialet i kaluan Prokurorisë së Rrethit Gjyqësor Durrës, për veprat penale “Vrasja me dashje, e mbetur në tentativë” dhe “Mbajtja pa leje e armëve të ftohta”.