Dekani i Fakultetit të Biznesit në UAMD, Shkëlqim Fortuzi ka reaguar përmes një postimi në rrjete sociale për situatën e krijuar në Durrës për shkak të mospastrimit të mbeturinave.
Fortuzi shkruan në Facebook se qyteti bregdetar është në prag katastrofe pandemike nga plehrat, në kulmin e sezonit turistik.
“I bëj thirrje drejtuesve aktualë të Bashkisë, të mos tallen me taksat tona duke rrezikuar seriozisht jetën e qytetarëve, por të largojnë menjëherë plehrat sepse situata ka dalë jashtë kontrollit.“, shkruan ai.
POSTIMI I PLOTË
Fatkeqësitë nuk kanë të mbaruar në qytetin e Durrësit..
Durrësi është në prag katastrofe pandemike nga plehrat, në kulmin e sezonit turistik.
Të vetmit “lajme të mira” për këtë qytet kohët e fundit (para dhe pas fushatës elektorale) kanë qenë:
1.Porti i Durrësit do bëhet port turistik dhe Durrësi do bëhet Dubai i Evropës.
2.K/Ministri Rama mori mandatin e deputetit në Durrës.
I bëj thirrje Drejtuesve aktualë të Bashkisë, të mos tallen me taksat tona duke rrezikuar seriozisht jetën e qytetarëve,por të largojnë menjëherë plehrat sepse situata ka dalë jashtë kontrollit.
Uroj që edhe K/Ministri,tashmë deputet i Qarkut Durrës,të paktën të ndërhyjë për shmangien e kësaj katastrofe..
