Moderatorja e njohur Alketa Vejsiu, feston sot ditëlindjen.
Prej më shumë se 20 vitesh në emisione të ndryshme, Alketa mbush sot 38 vjeçe.
Vejsiu është nënë e tre fëmijëve, e cila gjithmonë ka preferuar ta mbajë shumë sekrete jetën e saj private dhe portretet e fëmijëve të saj nuk kanë qarkulluar asnjëherë në rrjetet sociale.
Megjithatë, postimi i fundit i shuajti disa kuriozitete dhe shkak është bërë ditëlindja e saj.
Me anë të disa “Instastory”, Alketa Vejsiu i ka njohur të gjithë me mamanë dhe babanë, që deri më tani i kishte mbajtur larg vëmendjes së rrjeteve sociale.
Nga video krah të atit, dallohet edhe ngjashmëria e madhe e moderatores me të atin.
Alketa ka ndarë dhe një moment me mamanë e saj, zonjën e quajtur Xhulja, e cila nuk i ka kursyer gjithë fjalët e dashurisë për të bijën.
