Një makinë është përplasur me një turmë tifozësh në Paris. Nga aksidenti janë plagosur tre persona, njëri prej të cilëve është shtruar në spital në gjendje të rëndë. Motivet e shoferit të shpallur në kërkim nuk janë sqaruar, ndërsa videoja që është publikuar që regjistron incidentin është tronditëse.
Sipas prefekturës së policisë së Parisit, të paktën tre tifozë u trajtuan nga shërbimet e urgjencës, njëri në gjendje të rëndë dhe dy të tjerë me lëndime të lehta. Skenat e gëzimit ia lanë shpejt vendin panikut në Rue Christophe-Colomb pranë Champs-Elysées.
🔴 Victoire du #PSG : Une voiture a foncé dans la foule à Paris.
— FLASH INFO Ile-de-France (@info_Paris_IDF) May 7, 2025
👉 Au moins trois supporters ont été blessés dont l’un a été transporté à l’hôpital en urgence absolue. On ignore si les occupants de la voiture ont été interpellés. (Le Parisien) #PSGARS pic.twitter.com/i14LWplUqD
Ndërsa tifozët festonin fitoren e ekipit të tyre ndaj Arsenalit në Parc des Princes, një makinë e zezë u përplas me turmën për arsye që ende nuk janë sqaruar, duke rrëzuar disa persona në tokë. Pas incidentit, dhjetëra tifozë e ndoqën automjetin në këmbë, i cili u gjet i djegur disa metra larg. Nuk dihet nëse personat që ndodheshin në makinë u arrestuan ose pse automjeti u përplas me turmën.
