Deputeti Flamur Noka është akuzuar se ka ofenduar komisionerët dhe ka tentuar të shtyjë kutitë e votimit në disa prej qendrave të votimit në Elbasan.
Sipas uniformave blu, ngjarja ka ndodhur rreth orës 17:00, ku policia është njoftuar se në Qëndrat e Votimit të fshatrave Kuqan dhe Shirgjan, deputeti Flamur Noka ishte futur në QV-në e fshtatit Kuqan dhe ka ofenduar komisionerët, ndërsa në qendrën e votimit në Shirgjan ka tentuar të shtyjë kutitë dhe është larguar.
“Më datë 14.05.2023, rreth orës 17:00, Policia është njoftuar se në Qëndrat e Votimit të fshatrave Kuqan dhe Shirgjan, drejtuesi politik i koalicionit “Bashkë Fitojmë“, deputeti F. N. ishte futur në QV-në e fshtatit Kuqan dhe ka ofenduar komisionerët, ndërsa në qendrën e votimit në Shirgjan ka tentuar të shtyjë kutitë dhe është larguar. Nga ana e komisionerëve nuk është kërkuar ndërhyrja e Policisë.
Në lidhje me njoftimin e marrë, është njoftuar menjëherë Prokurori”, tha policia.
Nga ana e Policisë, në drejtimin e Prokurorisë, po vijojnë veprimet verifikuese dhe procedurale në lidhje me të dyja rastet.
