Policia po kërkonte një person të zhdukur, por kap një “peshk” të madh, ja dyshimet
Ndërsa ishte duke kërkuar për biznesmenin e zhdukur, bie në rrjetën e policisë një i kërkuar ndërkombëtarisht për trafik droge.
Ai është Ferdinant Rrushi i kërkuar prej 12 prillit 2021.
Prania e emrit të tij në kartelën e kuqe u zbulua rastesisht, pasi 43 vjeçari u thirr në polici për të dhënë shpjegime për Ruzhdi Hoxhën, denoncuar i zhdukur nga i biri Saimir Hoxha .
Ferdinant Rushi është personi i fundit që e ka takuar Ruzhdi Hoxhën në datën 20 tetor, ndërkohë që denoncimi u dorëzua në polici katër ditë mbasi familja e priti atë.
Shtetasi Ferdinant Rrushi, tanimë në paraburgim pretendon se e la Ruzhdi Hoxhën në banesën e tij dhe se më pas u largua në drejtim të banesës me automjetin e tij.
Por në të vërtetë, rezulton gjithashtu nga kqyrja e kamerave të sigurisë së automjeti sapo u largua nga një degëzim i autostradës në afërsi të një lokali, ka vijuar udhëtimin drejt Dajtit.
Versioni se i humburi kishte konsumuar kafe e birra në afërsi të një zdrukthtarie, konfirmohet edhe nga tre persona të tjerë, që pohojnë se Ruzhdi Hoxha u largua me një makinë “Pasat”, që është mjeti ku gjendej i shumë kërkuari, i cili pranon se ka bërë një xhiro dhe mandej e la në prani të një stacioni.
Me shumë gjasë, thonë hetuesit, në këtë automjet mund të ketë patur gjurmë ADN-je dhe për këtë arsye ata janë vënë në kërkim të makinës së zhdukur.
Burimet i thonë “Top Channel” se, njëherazi teksa kanë ndjekur itenerarin e automjetit me të cilin u largua i zhdukuri, në afërsi të Dajtit, ata kanë zbuluar edhe një parcelë me drogë.
Pikërisht punëtori i parcelës ka pranuar se ai punonte për Ferdinant Rrushin, që sakaq ishte në kërkim nga Italia po kjo nuk e ka penguar atë të kultivojë drogë.
Hetimet janë regjistruar për rrëmbim dhe pengmarrje të Ruzhdi Hoxhës, që përshkruhet nga i biri si një përdorues kokaine, që njëherazi ka treguar se borxhet që ka patur i ati i ka shlyer ai.
