Basha: Bashkitë i lirojmë kur të bëhen zgjedhje të rregullta

11/07/2019 - 17:32

Kryetari i Partisë Demokratike, Lulzim Basha, ka zhvilluar një takim në Selenicë me strukturat partiake të kësaj njësie vendore që drejtohet nga kryebashkiaku Përparim Shaneti.

Duke i konsideruar të pavlefshme, antikushtetuese dhe antiligjore votimet për zgjedhjet vendore të 30 qershorit, kryedemokrati tha se “kryetari legjitim i Bashkisë së Selenicës është Përparim Shameti dhe ai do të jetë në këtë pozicion derisa në vend të mbahen zgjedhje të rregullta e demokratike, në të cilat ai do të rikonfirmohet si kryebashkiak i Selenicës.”

Më tej, kreu i opozitës u shpreh se demokratët duhet t’i shërbejnë mesazhit më të madh që dha 30 qershori: 85 % e shqiptarëve refuzojnë regjimin e Edi Ramës dhe duan ndryshimin.

“Ata duan jo thjesht të ikë një parti dhe të vijë një tjetër, por duan ndryshimin e vërtetë, që i jep fund tranzicionit 30 vjeçar. Ne nuk jemi në betejë për karriget tona, por për të mbrojtur interesin publik, për ndryshimin rrënjësor të sistemit, që e keqja që solli Edi Rama, të mos përsëritet më kurrë.”- shtoi Basha.

Në Selenicë lideri i opozitës së bashkuar joparlamentare shpalosi programin politik të PD-së, duke zbuluar se fokusi kryesor është tek biznesi i vogël dhe propozimet për ringritjen e tij përmes uljes së taksave.

Basha solli në vëmendje propozimet kryesore konkrete të paketës së PD për biznesin e vogël.

  • “Klasifikim si biznes i vogël për xhiro nën 140 milionë lek të vjetra në vit,

  • 0.5% taksë e xhiros vjetore si e vetmja taksë për biznesin e vogël

  • Ulje e çmimin të naftës me 300 lekë për litër,

  • Ulje deri në 20% e çmimit të energjisë”.

/portali DurresLajm/

Na bëni like në facebook!: 

Lajme nga e njëjta kategori

Pala greke do të vijojë punën në pikën kufitare të Kakavijës edhe gjatë natës së sotme.

Presidenti Ilir Meta ka qenë i pranishëm në Kishën e Shën Kollit në Pilur, në Himarë.

Situata në pikën kufitare të Kakavijës vijon të mbetet e rënduar, teksa radha e automjeteve që presin të kalojnë në shtetin grek, është m

Kreu i Departamentit për Pushtetin vendor në PD Durrës, Petro Vokopola, përmes një statusi në rrjete sociale komenton situatën kritike të

Partia Demokratike në Shkodër ka deklaruar se stafi mjekësor në spitalin e këtij qyteti, është infektuar në masë me Covid-19.

Rradhët kilometrike 5 ditore në Kakavijë kanë qenë ndër lajmet kryesore ditët e fundit.

Ministri i shtetit për Rindërtim, Arben Ahmetaj ishte sot në Shijak ku së bashku me kryetarin e bashkisë Elton Arbana inspektuan punimet

Ish-deputetja demokrate, Albana Vokshi i përgjigjet socialistit Taulant Balla, i cili kërkonte hetim për videot e publikuara nga ish-depu

Kryetari i Grupit Parlamentar të Partisë Socialiste, Taulant Balla ka reaguar lidhur me videon e shpërndarë nga ish-deputetja e PD, Oriol

Ministri i Brendshëm, Sandër Lleshaj shkruan në Facebook se me gjithë masat e marra për normalizimin e gjendjes në pikat e kalimit kufita