Basha: Do bëjmë realitet qeverinë e qytetarëve

Postuar: 16/07/2017 - 14:48

Lulzim Basha bashkëbisedoi dje me demokratët e Elbasanit, Librazhdit, Gramshit, Belshit, Prrenjasit duke ndarë me ta nevojën për të vazhduar betejen politike për kauzat e drejta të shqiptarëve. Në një njoftim të shpërndarë nga selia blu, thuhet se Basha deklaroi se Partia Demokratike është rruga e vetme për shqiptarët dhe se ai është gati për vazhduar këtë mision deri në thyerjen e këtij sistemi të korruptuar.

“Vlerat morale i kemi ne. Shqiptarët duan një rrugë tjetër përveç dëshpërtimit që i çon në vetëvrasje, i çon në nënshtrim apo në emigracion. Rruga tjetër jemi vetëm ne. Nuk ka forcë tjetër politike. Ju them që jam gati për të vazhduar betejen politike me ju ditë për ditë, orë për orë, derisa ta thyejmë këtë sistem dhe me zgjedhje të lira dhe të ndershme të sjellim vlerat në pushtet, të sjellim një qeveri të qytetarëve me planin tonë, vizionin tonë, të hedhim hapin tonë tjetër përpara sepse ne i kemi hedhur hapat përpara gjithmonë. Ky është çelësi i fitores si ato që kemi korrur së bashku në vitin 2009. Sepse koncepti i Repubikës së Re brenda shtëpisë tonë do të thotë fuqizim i anëtarit, do të thotë kalimi i vendimarrjes tek anëtari i Partisë Demokratike. Do të thotë anëtari i Partisë Demokratike si strumbullarin e vendimarrjes, si peshoren e vlerave dhe kontributeve të gjithsecilit. Çelësi është shpirti i pastër i demokratit. I atij që nuk pyet se kur me vjen radha për tu bërë deputet, por vjen në betejë sa herë ka betejë për vlerat për të cilat kemi lindur dhe luftojmë”, tha Basha.

Ai tha se zgjedhjet e 25 Qershorit nuk ishin të ndershme dhe u provuan kauzat e opozitës nga shitblerja masive e votës. Basha tha se kjo është një mazhorancë fiktive.

“25 Qershori provoi se kauzat tona të dekriminalizimit, të luftës kundër drogës dhe të zgjedhjeve të lira dhe të ndershme janë kauzat më jetike për Shqipërinë sot. Nuk kishte zgjedhje të lira dhe të ndershme me 25 Qershor. Nuk foli vullneti i qytetarëve. Ai u tjetërsua përmes shtrembërimit e blerjes masive të votës nga një qeveri e bërë njish me krimin dhe krimi i bërë njish me qeverisjen, me të cilët Shqipëria nuk ka e nuk do të ketë asnjë të ardhme. Plani ynë për një qeveri të qytetarëve parashikon që shqiptarët të kenë mundësi të jetojnë në shtëpitë e tyre pa qënë nevoja të shkojnë emigrantë. Të kenë mundësi për punësim. Të mos kenë frikë nga të fortët, nga të pushtetshmit dhe të zgjedhin lirisht qeverisjen që meritojnë në nivel qendror dhe lokal. Kjo mazhorancë është një mazhorancë fiktive. Prodhim jo i shpresës, as i vizionit për të nesërmen por i dëshpërimit, i frikës që mbollën dhe thelluan. Njësoj si në 1991 nuk ka se çfarë ti ofrojë shqiptarëve. Ekonominë e kanë në kolaps. Arkën e shtetin e kanë në kolaps. Qeverinë e ka ilegjitime pa votën e shqiptarëve. E dimë ne, e dinë shqiptarët. E di edhe ai dhe e dinë edhe socialistët”, tha Basha.

/portali DurresLajm/

Na bëni like në facebook!: 

Lajme nga e njëjta kategori

Kryeministri Edi Rama e nis ditën e tij me një lajm të bukur.

Ilir Meta do të marrë sot zyrtarisht, detyrën e Presidentit të Republikës pas betimit që do të bëjë në Parlament, në seancën e jashtëzako

Kryeministri Rama me bashkëshorten e tij Lindën dhe Zahon e vogël, janë parë mbrëmjen e sotme duke darkuar buzë detit në Durrës, nën shoq

Deputetja e qarkut Durrës, Klodiana Spahiu, së bashku me kandidatin për deputet, Ledion Lako, në kuadër të turit “Bashkëqeverisja me njer

Pas përfundimit të votimeve dhe zgjedhjes së Lulzim Bashës për herë të dytë në krye të Partisë Demokratike, kandidati rival i tij Eduard

Lulzim Basha ka folur për herë të parë pasi u rizgjodh në krye të Partisë Demokratike.

Ish-nënkryetarja e Partisë Demokratike Jozefina Topalli ka reaguar pas fitores së Lulzim Bashës për postin e kryetarit të PD-së.

Astrit Patozi ka reaguar mbrëmë në darkë pas përfundimit të votimit dhe nisjes së numërimit të kutive të votimit për kreun e PD

Lulzim Basha është rizgjedhur kryetar i Partisë Demokratike për herë të dytë duke marrë 53931 vota, ose 48795 vota më shumë se rivali i t

Në 12 qarqe të vendit anëtarët e Partisë Demokratike votuan ditën e sotme për të zgjedhur kryetarin e ri të partisë, post për të cilin ga