Ish-kryetari i PD Durrës, Osman Stafa, në një postim në rrjete sociale ka renditur disa nga investimet e dështuara sipas tij, të realizuara në qytetin bregdetar.
Me një gjuhë të ashpër, Stafa ka “shpërthyer” në statusin e tij ndërsa shkruan: O të çmendur boll e vrat këtë qytet!
Në postim, Stafa përmend shkatërrimin e plazhit, të arkeologjisë. “lulëzimin” e rreth-rrotullimeve.
“Investime pa vizion, plot defekte dhe kosto…
Kosto për buxhetin dhe super kosto për qytetarët…trafik, lodhje dhe përshtjellim me dashje ose nga çmenduria.
Durrësi është i vetmi qytet në botë, ku dinamika
e rritjes shoqërohet me ngushtim rrugësh…”,- shkruan ai.
Në fund të statusit, ish-kryetari i degës së demokratëve durrsakë shigjeton edhe të vetët kur shkruan:
“Për ju që aspironi të merni
përgjegjësi përse heshtëni!?
Heshtja nuk prodhon as besim
dhe aq me pak vëmendje…”
Postimi i plotë:
O të çmendur
boll e vrat këtë qytet!
Kur pushteti grabitet
Qyteti dhe qytetarët vidhen.
Ky është realiteti i Durrësit tonë!?
Plazhin e vodhën, e grabitën,
e përdhunuat dhe tretët…
Tashmë frekuentohet nga
dashnorët e lodhur dhe të tredhur.
Dyrrahu dhe Epidami i lashtë
tashmë janë emra të gdhendur
në arkivat e historisë, mbuluar nga
babëzia e kullave të pushtëve të pushtetit…
Dhe tashmë qyteti po “lulëzon” nga rreth-rrotullimet, një çmenduri e radhës.
Investime pa vizion, plot defekte dhe kosto…
Kosto për buxhetin dhe super kosto për qytetarët…trafik, lodhje dhe përshtjellim me dashje ose nga çmenduria.
Durrësi është i vetmi qytet në botë, ku dinamika
e rritjes shoqërohet me ngushtim rrugësh…
Qytetarë të dashur!
Për sa kohë, Ne do heshtim,
për aq kohë do grabitemi.
Dhimbja jonë do jetë shumë
më e gjatë se grabitja.
v/o
Për ju që aspironi të merni
përgjegjësi përse heshtëni!?
Heshtja nuk prodhon as besim
dhe aq me pak vëmendje…
