Lënia e mandateve nga opozita, ambasadorja gjermane: Respektojmë vendimin

18/03/2019 - 17:43

Ambasada gjermane me seli në Tiranë përmes një deklarate për mediat shprehet për gjendjen aktuale politike në vendin tonë. Ambsadorja Susanne Schütz thotë se reformat politike aktuale duhet të vazhdojnë më tej. Ambasadorja e Gjermanisë Schütz deklaron se mbështet reformën në drejtësi dhe procese të tjera me rëndësi për të ardhmen e Shqipërisë.

Ajo po ashtu thotë se respekton vendimin e opozitës për lënien e mandateve, si dhe marrjen e tyre nga deputetët e rinj, megjithëse shton se vendi ku duhet zhvilluar debati politik është Parlamenti. Keqardhje Schütz shpreh edhe për mosmiratimin e reformës zgjedhore.

Deklaratë e ambasadores së Gjermanisë Schütz:

Shqipëria gjendet përpara vendimmarrjes të rëndësishme të Bashkimit Evropian lidhur me nisjen e bisedimeve të anëtarësimit. Ndaj tani nuk duhet humbur kohë, në mënyrë që reformat e nisura të vijojnë më tej dhe të arrihen rezultate të tjera konkrete në pesë prioritetet kyç. Përshëndes faktin që – edhe pse ngadalë – reforma në drejtësi po ecën përpara në mënyrë të pandërprerë. Ajo është një sukses; ndaj procesit të reformave nuk ka alternativë, ai është i pakthyeshëm dhe unik në rajon. E rëndësishme është që edhe Gjykata Kushtetuese dhe Gjykata e Lartë, si instrumenta të rëndësishëm korrektivë të shtetit ligjor, të mund të jenë së shpejti sërish funksionale. Në këtë kontekst përpara duhet të çohet edhe ngritja e strukturës së SPAK-ut. Ne presim hapa të tjerë përpara edhe në luftën kundër krimit të organizuar dhe korrupsionit. Të gjitha këto përpjekje janë të rëndësishme për të bindur shqiptaret dhe shqiptarët, por edhe investitorët e huaj, që drejtësia shqiptare garanton siguri ligjore.
Ne respektojmë vendimin e secilit deputet dhe të pasuesve të tyre në lista për dorëzimin, pranimin apo refuzimin e mandateve. Njëkohshëm theksoj, se në demokraci parlamenti është vendi kryesor për zhvillimin e debatit politik mes partive politike. Qeveria Federale do të vazhdojë të bashkëpunojë edhe në të ardhmen me qeverinë aktuale të legjitimuar në mënyrë demokratike si dhe mbajtësit e mandateve në Kuvend.

Shprehim keqardhjen e madhe, që megjithë bashkëpunimin fillimisht të mirë mes shumicës dhe opozitës, reforma zgjedhore deri më tani nuk është miratuar. Zbatimi i rekomandimeve të OSBE/ODIHR-it mbetet një komponent i rëndësishëm në ndërtimin e një sistemi zgjedhor solid në Shqipëri, i cili do mund të gëzojë besimin e qytetarëve.

/portali DurresLajm/

Na bëni like në facebook!: 

Lajme nga e njëjta kategori

Partia Socialiste kërkon shkarkimin e Arben Malajt nga posti i anëtarit të Këshillit Mbikëqyrës të Bankës të Shqipërisë. Mësohet se 28 de

Presidenti Ilir Meta i ka kthyer për rishqyrtim një tjetër ligj.

Lideri i opozitës Lulzim Basha, zhvilloi një takim informal me strukturat e PD në Malësi të Madhe, ku dha disa mesazhe të rëndësishme për

Partia Demokratike pretendon se deklarata e KQZ në lidhje me transportimin e fletëve të votimit në Vaun e Dejës nuk qëndron.

Kryeministri Edi Rama ka theksuar edhe njëherë se do të ketë ndëshkime të rënda për ato biznese që nuk japin kupon, nuk regjistrojnë apo

I ftuar në rubrikën “Opinion në News24, ministri Bledi Çuçi, komentoi mbledhjen e sotme të kryesisë së PS, ndërsa u ndal edhe ne menaxhim

Në kuadër të punimeve të takimit joformal të Ministrave të Jashtëm të vendeve pjesëmarrëse të OSBE-së, Ministri për Evropën dhe Punët e J

Nënkryetari i Lëvozjes Socialiste për Integrim, Petrit Vasili ka akuzuar kryeministrin Edi Rama se me ndryshimin e ligjit për rezervat ma

Anëtari i Kryesisë së Partisë Demokratike, Eno Bozdo në një dalje për mediat akuzoi qeverinë se ka planifikuar sërish rritjen e taksës së

Gjatë një takimi me prefektët, Ministri i Brendshëm Sandër LLeshaj ka komentuar edhe deklaratat e kryebashkiakëve të djathtë, të cilët ja