Presidenti Ilir Meta ka takuar sot liderin e Vetëvendosjes Albin Kurtin.
Teksa poston një foto së bashku me liderin e VV-së, Meta shkruan në Facebook se ka uruar Kurtin për rezultatin pozitiv të arritur në zgjedhjet e fundit.
"Kënaqësi të prisja sot liderin e Lëvizjes Vetëvendosje, z.Albin Kurti dhe ta uroja për suksesin e arritur në zgjedhje.
Uroj që Kosova të ecë në rrugën e forcimit të institucioneve demokratike, që të jetë një shembull pozitiv në të gjithë rajonin, siç e dëshmoi edhe në zgjedhjet e fundit, për standardet demokratike, por edhe për mirëqeverisjen.", shkruan Meta.