Presidenti i Republikës, Ilir Meta, ka takuar këtë të martë një përfaqësi të Komisionit të Venecias.
“Kënaqësi të prisja sot një përfaqësi të Komisionit të Venecias. Nëse do ishin respektuar rekomandimet e tyre në të kaluarën, Shqipëria kurrë nuk do të ishte në këtë situatë”, shkroi Meta në një postim në rrjetet sociale.
Ndërkombëtarët do të mbledhin fakte për veprimtarinë e Presidentit Meta për anulimin e datës së zgjedhjeve të 30 qershorit dhe opinioni i tyre pritet të jepet në sesionin e tetorit.
Delegacioni i Komisionit të Venecias mbërriti pasditen e djeshme në Tiranë. Më herët gjatë ditës së sotme ata u takuan me përfaqësues të opozitës, ndërsa më vonë do të takohen me Kryeminsitrin Edi Rama dhe Kryetarin e Kuvendit, Gramoz Ruçi.
