Raporti i BE/ CDU-CSU: Shqipëria nuk ka përmbushur asnjë kusht

30/05/2019 - 13:34

Pas rekomandimit të KE-së për çeljen e negociatave, zëvendëskryetari i grupit parlamentar CDU/CSU, Johann David Wadephul ka deklaruar se Shqipëria nuk ka plotësuar asnjë kusht nga ato që i janë lënë në 26 qershor të vitit 2018.

Në një deklaratë zyrtare CDU/ CSU ka reaguar ashpër ndaj situatës në vend, ndërsa thekson ndër të tjera se nuk është nisur asnjë procedurë ligjore ndaj politikanëve dhe kriminelëve të përgjuar në fillim të vitit për blerje të votave.

DEKLARATA E PLOTË

Komisioni Europian paraqiti dje raportin e progresit për Shqipërinë dhe Maqedoninë e Veriut dhe rekomandoi se negociatat për anëtarësimin duhet të hapen për të dyja vendet. Zëvendëskryetari i grupit parlamentar të CDU / CSU Johann David Ëadephul, shpjegon:

“Grupi parlamentar i CDU/CSU do të analizojë me kujdes raportet e progresit mbi Shqipërinë dhe Maqedoninë e Veriut dhe do t’i krahasojë me analizat e tjera që ka në dispozicion. Vetëm në këtë mënyrë mund të marrim një vendim të përgjegjshëm, nëse janë plotësuar kushtet për nisjen e bisedimeve të pranimit me dy vendet.

Megjithatë, një shqyrtim i tillë nuk duhet bërë me ngut. Kjo nuk do ishte e pranueshme për popullin gjerman dhe do të ishte e padrejtë edhe për vendet në fjalë.

Në këtë kuptim, Bundestagu gjerman nuk do të jetë në gjendje të vendosë për hapjen e negociatave të pranimit deri në fund të shtatorit, siç u pajtuam me kolegët e grupit parlamentar të Partisë Social Demokrate (SPD)

Një analizë fillestare tregon se Shqipëria, deri më tani, nuk ka arritur të përmbushë asnjë nga kushtet për hapjen e negociatave për anëtarësim, siç u kërkua nga ministrat e Jashtëm të BE më 28 qershor të vitit 2018.

o Nuk ka një sistem gjyqësor funksional.

o Nuk funksionojnë as Gjykata Kushtetuese dhe as Gjykata e Lartë. Nuk janë krijuar as njësia antikorrupsion SPAK dhe as Byroja Kombëtare e Hetimit.

o Ka përparime në nivele të ulëta dhe të mesme në luftën kundër korrupsionit, por ka shumë pak raste të procedimeve për korrupsion në nivele të larta dhe as dënime.

o Në mënyrë të ngjashme, janë të dobëta përpjekjet për të luftuar krimin e organizuar.

o Përveç kësaj, nuk është nisur asnjë procedurë ligjore ndaj politikanëve dhe kriminelëve të përgjuar në fillim të vitit për blerje të votave. Në fund të fundit, ligji i ri zgjedhor i kërkuar nga Ministrat e Jashtëm nuk është miratuar akoma.

Në këtë drejtim, Shqipëria ka nevojë për më shumë kohë për t’u përgatitur për negociatat e pranimit.

Vendi duhet të bëjë çdo përpjekje për të përmirësuar kushtet për një vendim pozitiv të BE-së në shtator. Kjo përfshin një dialog të vërtetë mes qeverisë dhe opozitës për të kapërcyer krizën shtetërore.

Grupi parlamentar i CDU/CSU është ende i gatshëm që të ndihmojë.

Të dyja palët duhet, megjithatë, të përgatiten për një dialog të tillë pa parakushte. Asnjë temë nuk mund të përjashtohet që nga fillimi”.

/portali DurresLajm/

Na bëni like në facebook!: 

Lajme nga e njëjta kategori

Zëdhënësi i presidentit Ilir Meta, Tedi Blushi, është shantazhuar nga një ambasadë e huaj në Tiranë.

Këshilltari ligjor në Partinë Demokratike Çlirim Gjata ka qenë sot në rubrikën “Opinion” në News24 për të folur për zhvillimet e fundit n

Kryetari i Partisë Demokratike, Lulzim Basha ka përshëndetur rezolutën me 10 pika të miratuar sot nga Kongresi i Partisë Popullore Europi

Presidenti Ilir Meta ka folur me tone të ashpra pas takimit me ish-presidentin Bujar Nishani duke akuzuar kryeministrin Edi Rama, sekreta

Presidenti i Republikës, Ilir Meta, priti në një takim ish-presidentin Bujar Nishani këtë të enjte.

Zëdhënësi i presidencës, Tedi Blushi ka konfirmuar bisedën telefonike që Presidenti Ilir Meta, ka zhvilluar pasditen e së mërkurës me zyr

Kreu i grupit parlamentar të PS, Taulant Balla ka folur për mediat pas vendimit të KPA-së, i cili shkarkoi sot nga detyra anëtarin e Gjyk

Anëtari i shkarkuar i Gjykatës Kushtetuese, Besnik Muçi ka deklaruar se nuk e njeh vendimin e dhënë nga Kolegji i Posacem i Apelimit.

Presidenca ka reaguar menjëherë pas vendimit për shkarkimin e Besnik Muçit nga KPA.

Presidenti Ilir Meta ka tekefonuar ditën e djeshme të dërguarin special të DASH për Ballkanin Perëndimor, Matthew A. Palmer.