Reshjet e borës, Balluku inspekton Qafë Plloçën: Të gjitha rrjetet rrugore të jenë funksionale

16/01/2021 - 20:14

Ministrja e Infrastrukturës dhe Energjisë, Belinda Balluku ka inspektuar Qafë-Pllocën ku kanë rifilluar reshjet e borës dhe ka probleme me qarkullimin rrugor.

Balluku e shoqëruar nga kreu i ARRSh, Ergys Verdho, tha që të gjitha asket duhet të jenë funksionale dhe të hapura teksa automjetet duhet të kenë minimalen e shpejtësisë për mos rrezikuar.

Gjithashtu Balluku është informuar dhe mbi masat që janë marrët dhe grupet e punës që ndodhen në terren për të garantuar pikërisht mbajtjen hapur të të gjitha akseve rrugore.

NJOFTIMI NGA MIE 

Balluku në Qafë Plloçë: Po punohet ditë e natë për të mbajtur funksional rrjetin e rrugëve në të gjithë vendi

Reshjet e dëborës kanë mbuluar tashmë gjithë zonën juglindore, ndërsa në akset rrugore borëpastrueset dhe mjetet e tjera të kompanive të mirëmbajtjes janë në aktivitet me kapacitet të plotë për të mbajtur në funksion rrjetin rrugor.

Masat e marra në kohën e duhur, si dhe puna e bërë nga Autoriteti Rrugor Shqiptar ka bërë të mundur që të gjitha akset rrugore në vend të jenë të hapura dhe të aksesueshme nga drejtuesit e mjeteve. Pavarësisht reshjeve të dëborës dhe temperaturave të ulëta, në terren është punuar gjatë gjithë kohës për t’ju përgjigjur çdo problematike që është shfaqur.

Ministrja e Infrastrukturës dhe Energjisë, Belinda Balluku, së bashku me Drejtorin e Autoritetit Rrugor Shqiptar, Ergys Verdho, inspektuan në orët e mbrëmjes punën që po bëhet në segmentin rrugor Pogradec – Korçë, në Qafë Plloçë, një pikë e cila vazhdimisht shfaq problematika në sezonin e dimrit për shkak të lartësisë dhe terrenit të saj.

Falë ndërhyrjes në kohë, ky akes është i kalueshëm ne çdo moment, ndërkohë që bëhet vazhdimisht pastrimi i rrugës si dhe kriposja e saj.

“Parashikimi i motit na tregon që në mirëmbajtje ne duhet të jemi koherentë me kushtet atmosferike. Këtu aktualisht punojnë dy borëpastruese, që ndërrohen me njëra-tjetrën, janë rreth 20 punonjës, që janë dedikuar vetëm për këtë segment rrugor dhe më pas vijnë borëpastruset nga Qafë Plloça deri në Korçë. Gjithë zona e Korçës, përfshi këtu Korçë-Kapshticë, Korçë-Ersekë, rrugën e Voskopojës dhe rrugën e Dardhës, kanë reshje dëbore përgjatë gjithë natës. Jemi në gatishmëri dhe kemi dalë në inspektime të herë pas hershme kur ka kushte ekstreme të motit për t’ju ndenjur pranë kontraktorëve dhe për t’i udhëzuar për vazhdimin e punimeve”, bëri të ditur drejtori ARRSH, Verdho.

350 mjete dhe afro 1 mijë punonjës janë angazhuar aktualisht në të gjithë vendin për të garantuar vijimin e qarkullimit normal të automjeteve në të gjitha akset e vendit, ndërkohë që ka ende kapacitete, në mjete dhe burime njerëzore, të cilat do të përdoren nëse do të ketë një përkeqësim të mëtejshëm të situatës.

Ministrja Balluku theksoi kujdesin e veçantë që duhet treguar për këto pika të rrezikshme të akseve rrugore: “Rëndësi ka që të gjithë rrjetet rrugore të jenë funksionale, të kenë sa më pak zona të cilat të jenë sensitive, pavarësisht të gjithë punës që po bëhet. Në këto momente ne jo vetëm i kemi hapur akset rrugore, por edhe i kemi kriposur ato. Nuk duhet të harrojmë faktin që këto janë rrugë të rrëshqitshme për momentin, kështu që të gjithë drejtuesit e automjeteve duhet të tregojnë kujdes të shtuar”.

Ministrja e Infrastrukturës dhe Energjisë theksoi se mirë menaxhimi i deritanishëm i situatës është si rezultat i masave të marra më herët, duke bërë që sot problematikat të jenë minimale, teksa garantoi që në terren do të vijojë puna deri në normalizimin e plotë të situatës.

“Të gjithë duhet të vazhdojmë me të njëjtin ritëm. Të gjitha kompanitë kontraktore, të cilat mirëmbajnë rrugët në Republikën e Shqipërisë dhe është diçka që duhet ta theksojmë, janë duke punuar më mirë se kurrë. Kemi një organizim dhe një përgjigje shumë të mirë nga të gjithë kontraktorët. Kontratat janë bërë ashtu siç duhet dhe ne tani sapo kemi bërë të gjitha kontratat e reja”, nënvizoi Balluku.

Për kapërcimin e kësaj situate, ministrja Balluku kishte një apel edhe për drejtuesit e automjete. “Ne po bëjmë të pamundurën, por kemi nevojë që bashkëpunimi nga ana e tyre të jetë maksimal, për të pasur sa më pak aksidente dhe për të pasur zero jetë të humbura, që është dhe synimi jonë tek punojmë ditë e natë për të plotësuar gjithçka që duhet në rrjetet rrugore shqiptare”, deklaroi Balluku.

Sa i takon situatës në veri të vendit, për shkak të reshjeve të pakta ka pasur një përmirësim të lehtë të situatës, ndërkohë që kompanitë kontraktore dhe grupet e punës së ARRSH ndodhen në terren. Me angazhimin edhe të forcave të ushtrisë po vijon puna për hapjen e rrugës së Thethit, ku për shkak të reshjeve të dendura trashësia e dëborës ka arritur në gati 2 metra, duke sjellë edhe vonesa për hapjen e këtij segmenti.

/portali DurresLajm/

Na bëni like në facebook!: 

Lajme nga e njëjta kategori

Presidenti i Republikës, Ilir Meta zhvilloi sot me kërkesë të tyre, një takim pune me përfaqësues të Shoqatës “Durrësi Autokton”.

Kryeministri Edi Rama ka publikuar në Instagram një foto të tijën pas konferencës që pati me zyrtarët e Bashkimit Evropian në Bruksel.  N

Përfaqësuesi i lartë i BE-së për Politikë të Jashtme dhe Siguri, Josep Borrell deklaroi pas përfundimit të takimit të 11-të, të Këshillit

Sekretari i Përgjithshëm i PD-së, Gazment Bardhi, ka reaguar me anë të një postimi në Facebook pas akuzave nga mazhoranca në lidhje me ko

Deputeti i opozitës parlamentare, Ralf Gjoni tha sot në Kuvend se Shqipëria e ka blerë vaksinën e AstraZenecas me 24 euro doza, ndërsa ve

Nga Brukseli, kreu i grupit parlamentar të PS-së, Taulant Balla thotë se ka lajme të mira në lidhje me integrimin e Shqipërisë në BE.

Kreu i Komisionit Qendror të Zgjedhjeve, Ilirjan Celibashi iu ka bërë thirrje partive politike të dorëzojnë brenda afateve dokumentacioni

Ministrja e Shëndetësisë dhe Mbrojtjes Sociale, Ogerta Manastirliu deklaroi në Kuvend se sot do të mbërrijnë 15,210 doza të vaksinës Pfiz

Ministrja e Marrëdhënieve për Parlamentin, Elisa Spiropali ka reaguar në Kuvend për marrëveshjen e nënshkruar ditën e sotme mes kryetarit

Pas firmosjes së kualicionit me Lëvizjen Socialiste për Integrim, kryedemokrati Lulzim Basha u shpreh se çdo ëndërr do të bëhet realitet