Vetëvendosje reagon sërish kundër Bashkisë Tiranë

12/11/2019 - 21:05

Kryetari i bordit të Lëvizjes Vetëvendosje në Shqipëri, Enis Sulstarova, ka reaguar kundër qëndrimit të Bashkisë së Tiranë në lidhje me deklaratën e tyre kundër dhunës tek Astiri. Në një reagim në Facebook, Sulstarova shkruan se e fton bashkinë që kritikat të mos i marrë si personale, por si i intitucionale.

“Nuk shkon kështu, këta na thonë se shqiptari s’paska të drejtë të flasë për Tiranën, kur po të njëjtët ftojnë serbët të flasin për Kosovën, pa Kosovën”, shkruan më tej kryetari i bordit të VV.

POSTIMI I PLOTË:

Si kryetar i Bordit të Qendrës së Lëvizjes VETËVENDOSJE! në Shqipëri, më duhet të shpreh shqetësimin për një deklaratë të sotme nga Bashkia e Tiranës.

Bashkiakët ankohen se Lëvizja “ndërhyri në punët e brendshme të qytetit”. Është e papranueshme kjo shprehje, të ankohesh se pse qytetarët shprehin shqetësim për çështjet e qytetit të tyre. Anëtarët e bordit të Qendrës sonë, si edhe shumica dërrmuese e aktivistëve, janë shtetas të Shqipërisë, pjesa më e madhe votues e banorë të Tiranës. Megjithatë, mendojmë se jemi në të drejtën tonë kur shprehemi për çështjet e Tiranës, siç është kushdo që ia do të mirën kryeqytetit. Por duhet shtruar seriozisht pyetja se a është në të drejtën e vet kryetari i partisë që drejton bashkinë e Tiranës, kur merret vesh me Vuçiçin për “marrëveshje rajonale”, në emër edhe të Kosovës?

Nuk shkon kështu, këta na thonë se shqiptari s’paska të drejtë të flasë për Tiranën, kur po të njëjtët ftojnë serbët të flasin për Kosovën, pa Kosovën.

Qendra e Lëvizjes VETËVENDOSJE! në Tiranë e fton Bashkinë e Tiranës të mos i marrë kritikat si personale, por si institucionale. Në Republikën e Shqipërisë ne jemi të regjistruar si organizatë joqeveritare dhe jofitimprurëse, dhe është shenjë katastrofale kur një forcë politike e cila tashmë qeveris pa opozitë institucionale në nivel qendror e lokal, shënjestron dhe përpiqet t’ia mbyllë gojën edhe organizatave joqeveritare që nuk ia ndjekin avazin.

Lëvizja VETËVENDOSJE! Qendra në Shqipëri për çështjet kombëtare do të kërkojë vazhdimisht bashkëpunimin me faktorët politikë, qofshin ata në qeveri apo opozitë. Njëherazi, do të denoncojmë politikat që i shohim si të gabuara. Ne do të jemi të rreshtuar jo pas ndonjë partie, por pas ideve për zhvillim ekonomik, demokraci qytetare e të drejta njerëzore.

/portali DurresLajm/

Na bëni like në facebook!: 

Lajme nga e njëjta kategori

Edhe pse kanë kaluar 22 vite nga vrasja e ish-deputetit të PD-së dhe liderit të studentëve, Azem Hajdarit, vdekja e tij ende nuk është zb

Edhe Landi i West Side Family i është bashkuar Erion Veliajt në fushatën për zgjedhjet e 25 prillit.

Qeveritë e Shqipërisë dhe Kosovës do të mblidhen ditën e nesërme në Tiranë.

Presidenti Ilir Meta duke se ka lënë për pak çaste zyrën e tij dhe angazhimet e forta politike, për të gjetur pak frymëzim për veten, e k

Ambasadorja amerikane, Yuri Kim, është takuar sot me ministrin e Brendshëm, Sandër Lleshaj.

Ish-deputetja e Partisë Demokratike, Jorida Tabaku, e ftuar në rubrikën “Opinion” në studion e lajmeve në News 24 komentoi takimet që pat

Vijon përplasja në distancë mes kryedemokratit Lulzim Basha dhe kryeministrit Edi Rama.

Kryeministri Edi Rama i është përgjigjur kreut të opozitës, Lulzim Basha., i cili nga Durrësi i bëri thirrje kreut të qeverisë të merrte

Nga qyteti i Durrësit, kreu i Partisë Demokratike, Lulzim Basha ka përsëritur edhe njëherë thirrjen për qeverinë që të zbatojnë planin e

Në Ditën Ndërkombëtare të të Moshuarve, Presidenti Ilir Meta thekson se kjo shtresë e shoqërisë ka nevojë për mirënjohje, respekt dhe vle