Ministria e Jashtme e Rusisë paralajmëroi se do të hakmerret pasi autoritetet polake konfiskuan një shkollë të ambasadës ruse të shtunën, duke shënuar një kapitull të ri në tensionet diplomatike që janë intensifikuar gjatë luftës në Ukrainë.
Policia polake dhe stafi nga bashkia e Varshavës hynë në kampus të shtunën në mëngjes, duke u kërkuar punonjësve të largoheshin nga ambientet, sipas agjencisë shtetërore ruse të lajmeve RIA Novosti, shkruan CNN.
Moska e përshkroi veprimin si “të diskutueshëm, të paligjshëm dhe provokues”, në një deklaratë.
Një zëdhënës i ministrisë së jashtme polake i tha Reuters se ndërsa Rusia kishte të drejtë të protestonte kundër konfiskimit, qeveria po vepronte brenda ligjit.
“Mendimi ynë, i cili është konfirmuar nga gjykatat, është se kjo pronë i përket shtetit polak dhe është marrë nga Rusia në mënyrë të paligjshme”, tha Lukasz Jasina.
Shkolla do të vazhdojë të funksionojë nga një pjesë tjetër e ambasadës ruse, raportoi RIA Novosti, duke cituar ambasadorin e Rusisë në Poloni, Sergei Andreev.
