Prangoset 34-vjeçarja në Durrës, ndihmoi 4 persona që të kalonin kufirin me dokumente false

Goditet një rast tentative për kalim të paligjshëm të kufirit.

Një 34-vjeçare është arrestuar nga policia në portin e Durrësit pasi po ndihmonte katër persona të kalonin kufirin me dokumenta të falsifikuara.

“DurrësLajm” mëson se 34-vjeçarja kishte një agjensi udhëtimi.

NJOFTIMI I POLICISË

Specialisët e Pikës së Kalimit Kufitar Durrës në bashkëpunim me Specialistët për Hetimin e Trafiqeve në DVP Durrës, si rezultat i kontrolleve të shtuara për parandalimin dhe goditjen e paligjshmërisë kanë arrestuar në flagrancë shtetasen E.B., 34 vjeçe banuese në Durrës.

Shtetësia e mësipërme, mbrëmjen e djeshme është ndaluar në PKK Durrës, duke ndihmuar të kalojnë kufirin në mënyrë të kundraligjshme, me dokumenta të dyshuara të falsifikuara shtetasit V.Gj., 30, vjeçe, banuese në Durrës; M.Gj., 28 vjeç, banues në Durrës; M.M., 31 vjeç, banues në Tiranë dhe B.P., 30 vjeçe, banuese në Tiranë.

Materialet i kaluan Prokurorisë së Rrethit Gjyqësor Durrës për veprime të mëtejshme.