Presidenti Ilir Meta reagon lidhur me dëshminë e Manjola Cakonit, të publikuar sot nga Partia Demokratike, ku ajo shprehej se pas intervistës së dhënë në televizion dikush e kishte marrë nga kryeministria, telefonatës i ishte përgjigjur nëna e saj, ndërsa i ishte thënë”: Turp të ketë Manjola!”
Kreu i Shtetit bën thirrje që të ndalet bulizmi qeveritar, duke u shprehur se shqiptarët në nevojë nuk e meritojnë arrogancën, fyerjen dhe papërgjegjshmërinë!
Postimi i plotë:
MJAFT me bulizëm qeveritar!
Transparenca dhe dialogu janë detyrime të patjetërsueshme!
Në mungesë të humanizmit, ndihmës dhe përkrahjes shtetërore, shqiptarët në nevojë nuk e meritojnë edhe arrogancën, fyerjen dhe papërgjegjshmërinë!
Solidaritet me zonjën Manjola Cakoni dhe familjen e saj!
