Presidentja Osmani, ka reaguar në faqen zyrtare Presidenca e Republikës së Kosovës në Facebook duke shprehur ngushëllimet e saj ndaj ish-Presidentit Thaçi dhe familjes së tij për ndarjen nga jeta të Haxhi Thaçit.
“Me pikëllim mësuam lajmin për ndarjen nga jeta të z. Haxhi Thaçi, babait të ish-Presidentit dhe ish-Kryeministrit të Republikës së Kosovës, z. Hashim Thaçi.
Humbja e babait është dhimbje e pamatshme, e cila lë boshllëk të pazëvendësueshëm tek më të dashurit. Kontributi dhe dashuria e tij për atdheun, shpresoj të shndërrohen në udhërrëfyes dhe kujtime krenarie për të gjithë ata që e njohën.
Në emrin tim dhe në emër të popullit të Kosovës, ju shpreh ngushëllimet më të sinqerta ish-Presidentit Thaçi, gjithë familjes Thaçi, si dhe miqve e të gjithë të afërmve të z. Haxhi Thaçi.
Qoftë i përjetshëm kujtimi për të! I lehtë i qoftë dheu i Kosovës!” – shkroi Osmani.
