Prestigjiozja "Forbes" ka renditur 10 arsyet se përse këngëtarja me origjinë shqiptare Dua Lipa do të jetë ylli i ardhshëm i muzikës pop. Sipas një analize të gazetares Liv Buli, këto janë arsyet:
"1. Sepse është e vështirë të shqiptohet emri i saj. Ai është shqiptar dhe nënkupton “dashuri”.
2. Muzika e saj është shumë e mirë. Ajo është pop dhe të mbetet në mendje.
3. Nuk mund të ndalet. Ndjekësit e saj në Instagram janë shtuar shumë gjatë 6 muajve të fundit dhe e njëjta gjë ka ndodhur edhe me klikimet në Youtube.
4. Llogaria e saj në Instagram është e bukur me selfie dhe video shumëngjyrëshe. Aktualisht ajo numëron rreth 70.000 ndjekës në këtë platform.
5. Ajo është një fëmijë ndërkombëtar dhe tmerrësisht e pavarur. Ka lindur në Londër, por familja e saj quan Kosovën si shtëpi. Ajo ka jetuar në Prishtinë për një periudhë kohe kur ka qenë adoleshente dhe është shpërngulur për në Londër në moshën 16 vjeçe.
6. Ajo është vlerësuar me disa çmime të mëdha. Ka qenë një vi ti madh për të. Ajo u rendit nga BBC si një nga 15 artistet e vitit 2016.
7. Ajo po regjistron një album me “Warner Bros Records”. Nuk ka akoma një datë zyrtare për daljen e albumit të saj.
8. Bashkëpunimi me këto studio muzikore nënkupton mundësi të mëdha për Lipan në të ardhmen.
9. Ajo është më “cool” se Lana Del Rey. Ato janë krahasuar shpesh ndoshta për faktin se kanë të njëjtët menaxherë.
10. Dhe së fundi ajo ka veshur një palë çizme në videon e fundit që jot ë gjithë do të mund t’i vishnin. Kjo është ajo që bëjnë yjet e muzikës pop. "
Ndërkohë Dua sapo ka nxjerrë klipin e saj më të ri "Last Dance" e cila ka korrur shumë sukses. Menjëherë pas daljes së këngës, BBC publikoi një intervistë me këngëtaren shqiptare ku sërish ajo u cilësua si ylli i këtij viti.
