Janë zbuluar të tjera biseda sekrete të Zonjës së Parë të SHBA, Melania Trump të regjistruara nga ish-zyrtarja e Shtëpisë së Bardhë, Stephanie Winston Wolkoff.
Në bisedat e fundit të publikuara nga mediet e huaja shfaqet tërbimi i Melania Trump me aktoren e filmave për të rritur, Stormy Daniels, teksa pretendon se kjo e fundit kishte një marrëdhënie me burrin e saj, Presidentin Donald Trump.
Në një seri bisedash të regjistruara fshehtësisht, Melania e quan atë “prostitutë porno” kur mëson se foto e saj do të dalë në revistën Vogue.
Regjistrimet e telefonatave janë publikuar në librin e Stephanie Winston Wolkoff, ish-konfidente e administratës Trump dhe mikeshë e Zonjës së Parë.
Në bisedë Trump shpreh tërbimin e saj ndaj Stormy, e cila do të fotografohej për Vogue nga profesionistja Annie Leibovitz.
Melania thotë: “Annie Leibovitz po bën fotot e një prostitute pornoje dhe ajo do të shfaqet në edicionin e shtatorit apo tetorit.” “Çfarë je duke thënë?”, e pyet Wolkoff.
“Stormy”, thotë Melania, “do të dalë në revistën Vogue. Annie Leibovitz po i bën fotot.”
Aktorja porno Daniels, e lindur me emrin Stephanie Clifford, pretendon se ka pasur një marredhënie me Trump në 2006, kohë kur Melania ishte shtatzënë me djalin Barron.
