Pas disa ditësh të protestave nga fermerët polakë, presidenti ukrainas Volodymyr Zelensky ka vendosur të dërgojë kryeministrin Denys Shmyhal dhe anëtarë të tjerë të kabinetit në pikat e bllokuara kufitare për të zhvilluar negociata.
“Kjo vlen veçanërisht për ministrin e Mbrojtjes, Rustem Umerov”, tha Zelensky në një video fjalim të publikuar në ukrainisht dhe polonisht.
Kjo duhet të ndodhë para përvjetorit të dytë të luftës të shtunën.
“Për fat të keq, kjo bllokadë në kufi rrezikon furnizimin me armë për djemtë tanë në front”, tha ai.
Zelensky iu drejtua gjithashtu kryeministrit polak, Donald Tusk dhe presidentit të Polonisë Andrzej Duda.
Presidenti ukrainas theksoi se kjo është një çështje e sigurisë kombëtare të Ukrainës.
