Rreth 2500 protestues nga Durrësi pritet t’i bashkohen protestës pasditen e sotme në orën 19:00 në Tiranë të thirrur nga kreu i PD-së Sali Berisha.
Burime nga PD-ja e Durrësit thanë për “DurrësLajm” se nisja nga qyteti dhe njësitë administrative do të bëhet me mjete personale, por nuk do të mungojnë edhe nisjet e organizuara me autobusë nga Shkozeti dhe zona e ish-Kënetës.
Sipas organizatorëve, protesta e paralajmëruar do të nisë në orën 19:00 dhe do të përfundojë në orën 21:00. Policia nuk ka informacione për skenare që cenojnë rendin, por po implementon në terren planin e masave anti-tubim.
Prej orës 19:00, bulevardi “Dëshmoret e Kombit” nga kryeministria deri tek ish-hotel Dajti do të jetë i bllokuar për lëvizjen e mjeteve. Ndërsa në akset e tjera do te ketë qarkullim normal.
Segmentet rrugore që do të jenë të bllokuara, janë:
– bulevardi “Dëshmorët e Kombit”;
– rruga “Gjergj Fishta”;
– bulevardi “Bajram Curri”
– bulevardi Zhan D’Ark
Policia apelon të gjithë qytetarët që të shmangin lëvizjen në këto akse rrugore.
