Policia ka konfirmuar se një i dyshuar përdori një pajisje shpërthyese të improvizuar në një protestë anti-muslimane pranë Gracie Mansion, rezidencës së kryetarit të bashkisë së Nju Jorkut, Zohran Mamdani. Mediat e huaja shkruajnë se, një grup supremacistësh të bardhë mbajtën demonstratën pranë rezidencës në Manhattan, ndërsa një grup më i madh kundërprotestuesish u mblodhën aty pranë.
Pastaj, dy burra që dukeshin si kundërprotestues hodhën një pajisje ndezëse pranë policisë dhe lanë një tjetër pajisje në zonën më të gjerë. Policia tha se pajisjet përbëheshin nga kavanoza me siguresa, të mbushura me dado dhe bulona, por fillimisht nuk ishte e qartë nëse pajisjet ishin eksplozivë funksionalë.
Zëdhënësja e Departamentit të Policisë së Nju Jorkut, Jessica Tish, tha se ekipi piroteknik i NYPD-së arriti në përfundimin se një nga pajisjet ishte një pajisje e rreme apo një bombë tymi, por një pajisje shpërthyese e improvizuar që mund të kishte shkaktuar lëndime serioze ose vdekje.
