Sekretariati i Etikës vendosi të përjashtojë nga Kuvendi 40 ditë deputetin Edi Paloka, kurse Petrit Dodën 20 ditë.
Mbledhja u zhvillua pasi grupi parlamentar i Partisë Socialiste kërkoi masë disiplinore për dy deputetët e opozitës.
PS kërkoi masë për Palokën pasi dogji rregulloren, ndërsa për Dodën, për hakërrim dhe fyrje ndaj Lulzim Bashës dhe Enkelejd Alibeajt.
Kujtojmë se seanca plenare e së enjtes u shoqërua sërish me tension, ku deputeti Paloka në fjalën e tij në foltoren e Kuvendit, u shpreh se fundi i kryeministrit Edi Rama do të jetë ai i diktatorëve dhe më pas dogji rregulloren e Parlamentit.
