Ditën e sotme Konferenca e Kryetarëve rrezoi dy kërkesat e opozitës, mocion me debat dhe interpelancë me kryeministrin Edi Rama për për çështjen “Ahmetaj” dhe të inceneratorëve.
Në përfundim të mbledhjes, kryetari i grupit parlamentar të PD, Gazment Bardhi, tha se sipas Konferencës së Kryetarëve, nuk ka urgjencë për kërkesat e tyre.
Bardhi u shpreh para mediave se tashmë parlamenti është shndërruar në “dyqan personal i Zotos dhe Mërtirit” dhe se po financohet arratia e tyre dhe e Arben Ahmetajt.
“Konferenca e Kryetarëve vendosi sot rrëzimin e kërkesës për interpelancë dhe për mocion me debat duke shfaqur në këtë mënyrë vizionin për shndërrimin e Parlamentin në një dyqan personal të Zotos dhe Mërtirin. Fakti që dy mafiozë në arrati të inceneratorëve marrin pagesa çdo ditë për punë ta pakryera, nuk është një çështje urgjente për ta. E kuptoj vështirësinë që ka Rama si person i përfshirë, koka e inceneratorëve për të dhënë shpjegime, por sado siklet dhe hall të ketë do duhet të respektohet Kushtetua. Argumenti i tyre është se nuk ka urgjencë. Po financojnë arratinë e Zotos, Mërtirit dhe tani të Ahmetajt”, tha Bardhi.
