Pavarësisht se jemi në izolim si pasojë e pandemisë, të kujdesesh për pamjen tënde është shumë e rëndësishme pasi i bën mirë shëndetit mendor.
Edhe pse mund të jetosh vetëm dhe nuk do takosh asnjë person për një kohë të gjatë, është akoma e rëndësishme të kujdesesh për veten siç bëje normalisht.
“Mënyra se si ne e shikojmë veten ndikon drejtpërsëdrejti në shëndetin tonë mendor dhe në mënyrën se si ndihemi, prandaj është e rëndësishme t’i kushtojmë vëmendje pamjes sonë. Në situatën e izolimit, rëndësia e përpjekjes për të mbajtur mendjen tuaj sa më të shëndetshme të jetë e mundur, nuk mund të nënvlerësohet.”, tha për britaniken “Metro”anëtarja e Drejtorisë së Këshillimit, Beverley Hills.
Beverley rekomandon t’i kushtoni kujdes pamjes suaj, njësoj sikur të ishte një ditë e zakonshme, ndërsa duke folur nga përvoja e saj me punën në distancë, tha:
“Si këshilltare gjatë këtyre kohërave të pasigurta, unë jam duke punuar vetëm në internet, kështu që lehtësisht mund të largohem nga kujdesi për veten, por nuk e bëj. Kujdesi për veten të rrit vetëbesimin.”
