Publikohet fotoja pak minuta para ngjarjes së ndodhur mbrëmë në Tiranë ku mbeti i vrarë 27-vjeçari Mehmet Qema. Siç shihet në foto, viktima është i ulur në tavolinë bashkë me katër të rinj.
Ndërkohë, në këmbë është autori i krimit, Marjus Dema, i cili siç duket, është me armë në dorë, pak çaste para se të qëllojë të riun me plumb në gjoks. 27-vjeçari është dërguar nga shokët e tij në QSUT, por ka ndërruar jetë nga plagët e rënda.
Qema ndodhej në tavolinë me shtetasit Erlind Peka, Blerim Hoti, Braild Aga, Frenkli Myftari dhe Xhuljano Koçi, të cilët janë shpallur në kërkim, bashkë me autorin, pasi kanë dijeni për ngjarjen e rëndë kriminale.
