Punësimet, hapet konkursi për vendet e para vakante në administratë

Tiranë, 14 gusht 2014  – Zhbllokohen punësimet në administratë. Pas një periudhe 4 mujore bllokimi, qeveria ka hapur sërish konkurset për punësimet në administratë. Ministria e Inovacionit ka hapur konkursin për 9 vendet vakante, të cilat i ka shpallur on-line në faqen zyrtare të saj.

Ishte kriza ekonomike që la pas qeveria e kaluar, e cila detyroi mazhorancën qeverisëse që të ndërpriste punësimet e reja në sektorin publik, si dhe trajnimet e parashikuara për punonjësit.

Ja 9 vendet vakante në administratë  

1. Inspektorë të Tatimeve, lloji i diplomës “Shkenca Ekonomike ose Juridike”, niveli minimal i diplomës “Bachelor”;

2. Inspektorë të Tatimeve “Shkenca Ekonomike ose Juridike”, niveli minimal i diplomës “Master Shkencor”;

3. Inspektorë të Tatimeve, lloji i diplomës “Shkenca Ekonomike ose Juridike”, niveli minimal i diplomës “Master Profesional”;

4. Specialist i Auditimit të Brendshëm, niveli minimal i diplomës “Master Profesional”;

5. Specialist i Auditimit të Brendshëm, niveli minimal i diplomës “Master Shkencor”;

6. Specialist “Gjeodezi/Topogjeodezi/Gjeomatike”, niveli minimal i diplomës “Master Profesional”;

7. Specialist “Informatikë/GjeoInformatike”, niveli minimal i diplomës “Master Profesional”;

8. Specialist “shkenca ekonomike”, niveli minimal i diplomës “Master profesional”;

9. Specialist “Shkenca Mjedisore ose të tjera të përshtatshme”, niveli minimal i diplomës “Bachelor”.

/agjencia e lajmeve “Dyrrah”/