Edhe një herë Ed Sheeran në qendër të vëmendjes! Skena e puthjes së tij me komedianin Greg Davies, të premten, ndërsa ishte i ftuar në programin 'Comic Relief', ka çmendur internetin.
Pasi performoi një nga këngët e tij të fundit, moderatorja iu afrua 26-vjeçarit dhe e ftoi atë t’i bashkohej sfidave të spektaklit. Sipas saj, Sheeran duhet të puthte personin më të gjatë që ndodhej në program, i cili rezultoi të ishte aktori Greg Davies. Menjëherë pas kësaj, ky i fundit ka nxituar drejt skenës dhe i është drejtuar yllit të “Shape of You”.
“Uroj që të paktën të kesh përdorur zbutës”, iu drejtua atij para se ta puthte. Edhe pse e gjithë kjo ka qenë në sensin e shakasë, duket se dyshja e ka shijuar puthjen e cila ishte më pasionante seç mund të pritej.
Kaq ka mjaftuar që videoja të pushtonte internetin dhe komentet rreth kësaj të ishin pafund, duke e quajtur puthjen mes të dyve skenën më kulminante të vitit 2017. Të tjerë i kanë etiketuar me shaka: çifti më i ri i ekranit.
Përpos të gjithave nuk ka dyshim që kjo situatë ka qenë më shumë se e sikletshme për këngëtarin, i cili siç mund të dallohet dhe nga reagimi i tij, s’ka mundur të bëjë gjë tjetër përveçse t’i përshtatet “rregullave” të programit. /Anabel/
