Në ditën e luleve, 6 maj, qytetarët shkodranë dhe drejtues të Bashkisë u solidarizuan me ngjarjen e rëndë që tronditi qytetin një ditë më parë.
Ata u panë me lule në duar, duke ecur përgjatë lumit Buna dhe duke i hedhur më pas në ujë.
Nënkryetarja e Bashkisë Shkodër Teuta Qyteza tha se sot festa në Shkodër u kthye në dhimbje, pasi disa lule të bukura i mungojnë qytetit.
Ditën e djeshme 9-vjeçarja u gjet në ujërat e Bunës nga një peshkatar i zonës. Sot vogëlushja e ndjerë u përcoll në banesën e fundit, ndërsa vijojnë kërkimet për gjetjen e trupave të nënës së saj, Alma Arrazi, motrës e vëllait.
