Një 30-vjeçar është transportuar në spitalin rajonal të Vlorës në gjendje të rëndë shëndetësore, pasi ka rënë nga kati i tretë i një pallati ku punonte.
Policia bën me dije se ngjarja ka ndodhur rreth orës 11:00, në lagjen “28 Nëntori”, ndërsa i lënduari është identifikuar si shtetasi me iniciale A.SH.
Vlorë/Informacion paraprak
Rreth orës 11:00, dyshohet se aksidentalisht, gjatë punës për ndërtimin e një pallati në lagjen “28 Nëntori”, ka rënë nga kati i tretë i objektit, shtetasi A. Sh., 30 vjeç, banues në fshatin Sherishtë.
30-vjeçari është transportuar në spitalin rajonal të Vlorës, ku aktualisht është në gjendje të rëndë shëndetësore.
Grupi hetimor po punon për të zbardhur dhe dokumentuar rrethanat e rastit.
