Ali Ahmeti i quan shaka ‘bisedat e përgjuara’ që po publikohen

06/06/2019 - 07:46

Kryetari i Bashkimit Demokratik për Integrim, Ali Ahmeti, i ka quajtur “brymë mëngjesi”, bisedat e përgjuara telefonike, që po publikohen tash e një kohë nga një person nga Kërçova, por me vendbanim në Çikago të Shteteve të Bashkuara, me nofkën “EL Cheka”.

Bisedat e publikuara, protagonist kryesor kanë kreun e BDI-së, Ali Ahmeti dhe bashkëpunëtorët e tij të afërt, të cilët kryesisht komentojnë e etiketojnë zyrtarët e kësaj partie, por edhe zhvillime tjera që kanë të bëjnë me rastet si “Lagja e Trimave”, të luftimeve në Kumanovë në vitin 2015, pastaj rastin “Monstra” të vrasjes së pesë të rinjve maqedonas në vitin 2012, si dhe rastin “Brodeci”, një incident në rajonin e Tetovës në vitin 2007 i cili po ashtu kishte përfunduar me viktima

Ahmeti ka thënë se nuk i ka dëgjuar “bombat”, siç njihen në opinion bisedat e përgjuara telefonike, por nga ajo që i kanë treguar bashkëpunëtorët e tij, bëhet fjalë për biseda private që, ai i ka quajtur, “shaka”.

“Nuk i kam dëgjuar bisedat e përgjuara, sepse nuk kam vesh për shaka....kjo është brymë e mëngjesit edhe këto do të ikin sepse njerëzit nuk merren me gjëra të kota... organet e drejtësisë duhet të merren me këto biseda të përgjuara dhe të njëjtat nuk duhet të përdoren në tregun e zi. Le të publikojnë bisedat tona zyrtare. Pse nuk bëhet kjo, por, jepen gjëra të kota” ka deklaruar Ahmeti në Shkup gjatë shënimit të përvjetorit të themelimit të partisë që ai e drejton, Bashkimi Demokratik për Integrim (BDI).

Prokurorja Speciale e Maqedonisë së Veriut, Katica Janeva ndërkohë ka urdhëruar nisjen hetimeve për materialet e publikuara, për të cilat, siç tha, nuk ka njohuri se prej nga janë marrë, disa prej të cilave i posedon edhe organi i akuzës që ajo drejton.

“Këtë po e analizojmë, ka diçka që është detektuar tek ne... kështu që ende jemi duke analizuar këto biseda. Pra, një pjesë i kemi edhe ne. Për momentin nuk mund të garantojmë nëse ato kanë dalë nga ne pasi po hetojmë”, ka deklaruar Janeva, pa saktësuar qartë nëse materialet e përgjuara që po publikohen në opinion janë ato të cilat i posedon Specialja.

Lënda për këtë rast i ka kaluar për hetim Prokurorisë Themelore në Kërçovë prej nga edhe ka prejardhjen personi që po publikon përmbajtjen e tyre në rrjetin social Facebook. Profilet e tij në vazhdimësi janë mbyllur me ndërhyrjen e institucioneve, por i njëjti ka hapur profile të reja duke paralajmëruar publikimin e mijëra bisedave të përgjuara telefonike./REL/

/portali DurresLajm/

Na bëni like në facebook!: 

Lajme nga e njëjta kategori

Kaos dhe dhunë për të dytën ditë radhazi në kryeqytetin e Serbisë, Beograd.

Në prag të vazhdimit të dialogut Kosovë-Serbi, i ngarkuari i BE Mirsolav Lajçak është takuar në Berlin me autoritetet gjermane.

Ambasadori Richard Grenell, i dërguar i posaçëm i presidentit Donald Trump për bisedimet e paqes Kosovë – Serbi, tha se Shtetet e Bashkua

Presidenti i Serbisë, Aleksandër Vuçiç, tha se “do të kërkojë që Bashkimi Evropian të luajë një rol më të rëndësishëm politik” në dialogu

Serbia ka arritur numrin më të lartë të viktimave që nga nisja e epidemisë së Covid-19 në mars.

Greqia ka pësuar një rritje të rasteve me COVID-19 duke regjistruar 43 në 24 orët e fundit.

Ministri i Jashtëm serb, Ivica Daçiç ka reaguar në lidhje me vendimin e Greqisë për të mbyllur kufirin me Serbinë, pas shtimit të rasteve

Greqia ka vendosur që të mbyllë nga sot, nga ora 06.00 sipas orës lokale, kufirin për të gjithë shtetasit serbë që duan të hyjnë në terri

Në Maqedonisë e Veriut ka ndërruar jetë mjeku i parë i diagnostikuar me COVID-19.

115 të infektuar, 7 të vdekur dhe 40 të shëruar është bilanci i covid-19 për 24 orët e fundit në Maqedoninë e Veriut.