Ministri i Bosnjës: Kosova i dha goditje bashkëpunimit rajonal

09/07/2019 - 07:44

Samiti dyditor i Procesit të Bashkëpunimit të Evropës Juglindore nisi të hënën në Sarajevë me takimin e ministrave të Jashtëm të vendeve anëtare.

Tema kryesore të bisedimeve të delegacioneve të larta, në mesin e të cilave janë edhe përfaqësues të Bashkimit Evropian dhe Këshillit për Bashkëpunim Rajonal, janë: gjendja e proceseve të integrimit në BE dhe lidhjet në rajonin e Evropës Juglindore dhe më gjerë si parakushte për zhvillim të qëndrueshëm.

Megjithatë, fokus i ministrave ishte edhe anulimi i pjesëmarrjes së përfaqësuesve të Kosovës.

Ministri i Punëve të Jashtme i Bosnjës, Igor Crnadak, tha se mosardhja e përfaqësuesve të Kosovës është një goditje ndaj bashkëpunimit rajonal.

"Kujtoj se nga nëntori ne jemi subjekt i sanksioneve nga Prishtina. Përkundër kësaj, kemi dërguar ftesë, kemi shprehur gatishmëri për të qenë nikoqirë të mirë, duke respektuar rregullin numër një, që edhe nëse nuk pajtohemi për diçka, duhet të jemi në tavolinë dhe të kërkojmë zgjidhje. Prishtina mendon ndryshe. Goditje e rëndë për bashkëpunimin në rajon", tha Crnadak.

Presidenti i Kosovës, Hashim Thaçi, ka thënë se pavarësisht "gatishmërisë dhe vullnetit" për të marrë pjesë në samit, ai ka vendosur të mos shkojë në Sarajevë, sepse, siç ka thënë në një postim në Twitter, "trajtimi dhe deklaratat nga Presidenca e Bosnje dhe Hercegovinës nuk janë në favor të marrëdhënieve të fqinjësisë së mirë dhe vlerave dhe parimeve të BE-së".

Bosnja nuk e njeh pavarësinë e Kosovës.

Nga nëntori i vitit të kaluar, Kosova u ka vënë taksë 100% prodhimeve të importuara nga Bosnja dhe Serbia.

Në samitin në Sarajevë marrin pjesë përfaqësues të Bosnje dhe Herzegovinës, Serbisë, Malit të Zi, Shqipërisë, Bullgarisë, Greqisë, Kroacisë, Maqedonisë së Veriut, Moldavisë, Rumanisë, Turqisë dhe Sllovenisë./Rel

/portali DurresLajm/

Na bëni like në facebook!: 

Lajme nga e njëjta kategori

Kryeministrja e Serbisë, Ana Bërnabiç deklaroi se nuk pret shumë nga Albin Kurti si kryeministër i Kosovës.

Javën e kaluar i dërguari i posaçëm i Presidentit të Shteteve të Bashkuara të Amerikës për bisedimet Kosovë-Serbi, Richard Grenell  vizit

“Presidenti serb, Aleksandër Vuçiç mori porosi shumë të rënda nga Donald Trump, që i përcolli i dërguari special i presidentit amerik

Gjatë një konference me kryeministrin slloven Marjan Sharec, Zaev u shpreh se Maqedonisë së Veriut duhet t'i hapen negociatat, duke motiv

Policia serbe ka arrestuar disa aktivistë të subjektit të Partisë Demokratike të Serbisë, të cilët kishin për qëllim të protestonin kundë

Drejtuesit më të lartë të policisë greke kanë dalë këtë të mërkurë në një konferencë për mediat, në lidhje me bllokimin e 700 kilogramëve

Greqia është pro hapjes së negociatave për Shqipërinë dhe për Maqedoninë e Veriut sipas zv/ministri të Jashtëm të Greqisë, Miltiadhis Var

Zgjedhjet e parakohshme parlamentare në Maqedoni pritet të mbahen në fund të tetorit të vitit 2020, pra 45 ditë para zgjedhjeve të rregul