Pasi braktisën tryezën e OSBE për reformën zgjedhore, ka dhënë një prononcim për mediat deputeti i opozitës në parlament Ralf Gjoni.
Gjoni tha se ata nuk mund të jenë pjesë e një tryeze e cila ka për qëllim të legjitimojë një fejesë martesë PS-PD.
"Dalja në shenjë protestë, nuk ka të bëjë me qëllimin e tryezës. Jemi mirënjohës OSBE, por ne nuk mund të bëhemi fasadë e një tryezë, që kthehet në tryezë me tre bashkëkryetare. Ku dërgohet një nivel teknik i të ashtuquajturës opozitë e bashkuar, për të na delegjitimuar ne si deputetë të kuvendit të Shqipërisë, dhe për të legjitimuar një fejesë martesë PD-PS për të përgatitur ndoshta terrenin e një pazari. Doja të sqaroja që dolëm në shenjë proteste të asaj maskarade që ne pamë në hapje të këtij sesioni. Ne jemi anëtarë të atij komisioni për reformën zgjedhore, dhe të gjitha tryezat do të zhvillohen në ambjentet e këtij komisioni me qëllim që ne të ndryshojmë sistemin zgjedhor.", u shpreh Gjoni.
