Kryeministri Edi Rama, i shoqëruar nga ministrja e Kulturës Elva Margariti, ka inspektuar restaurimin e godinës së Akademisë së Arteve në Tiranë.
Rama tha se godina është transformuar totalisht, duke shtuar se Akademia e Arteve mbetet një gur i paçmuar i trashëgimisë kulturore shqiptare.
“Kemi disa ide për lëvizjen e përkohshme. Këto që kemi vendosur janë më të mira nga ato që ishin më herët. Do bëjmë investim të madh për kampusin. Do të bëjmë investimet e duhura. Do zgjidhet edhe puna e lëvizjes së studentëve. Teatri i Operas ishte një banjo poshtë, ndërsa tani ka dhoma individuale për solistë, ka kushte moderne”, tha Rama.
Ndërsa ministrja Margariti tha se: “Ideja është që këtu të ndërtojmë një shesh të madh publik. Projekti parashikon dy salla të reja. Krijohen më shumë hapësira edhe rreth e përqark”.
