Nga Vau Dejës, kryeministri Edi Rama tha se kjo do jetë fushata e fundit elektorale kur do të premtohet ujë 24 orë.
Kreu i qeverisë u zotua se brenda vitit 2022 qendrat urbane në Shqipëri do të kenë 24 orë ujë të pijshëm, ndërsa për Tiranën theksoi se çështja është më komplekse.
“Objektivi është i qartë ne jemi në gjendje të themi sot me plot gojën që në gjitha qendrat urbane të Shqipërisë, ne do kemi 24 orë ujë brenda 2022 dhe Tirana brenda 2022 -2023 se është më komplekse. Kështu që uji është hera e fundit që është term i fushatave elektorale sepse përfundimisht do zgjidhet 24 orë ujë për të gjitha qendrat urbane. Këtu një herë në zonat që s’ka pasur 24 orë ujë as në kohën e komunizmit do zgjidhet një herë e mirë, është e sigurtë”, u shpreh kryeministri.
