Tre ushtarë amerikanë janë gjetur të vdekur në Lituani këtë të hënë, pasi rezultonin të zhdukur prej 25 marsit. Ata humbën jetën gjatë stërvitjes ushtarake “Zgjidhja Atlantike”, një operacion i nisur pas pushtimit të Krimesë nga Rusia.
Për këtë ngjarje tragjike ka reaguar kryeministri Edi Rama, i cili në një postim në “X” shprehu ngushëllimet për familjet e ushtarëve të rënë, duke theksuar se Shqipëria mbetet pranë Shteteve të Bashkuara.
“Lajm tragjik nga Lituania. Humbja e ushtarëve amerikanë është një kujtesë e dhimbshme e rreziqeve që mbartin ata që shërbejnë. Mendimet dhe lutjet tona janë me familjet e tyre. Si gjithmonë, Shqipëria qëndron në krah të Shteteve të Bashkuara dhe Komandantit të saj të Përgjithshëm”, shkroi Rama.
