Një ditë pasi mazhoranca socialiste rrëzoi kërkesën e SPAK për të arrestuar Belinda Ballukun, kryetar i Grupit Parlamentar të PD, Gazment Bardhi në një deklaratë për mediat tha se nga sot “Edi Rama duhet parë siç është, një mbrojtës i korrupsionit”.

Bardhi thekson se vendimi i Ramës nuk është një vendim juridik, por një vendim politik për të mbrojtur pushtetin e tij dhe interesat e qeverisë.

Sipas Bardhit, kjo tregon një përmbysje të prioriteteve në Shqipëri, ku korrupsioni prezantohet si viktimë, ndërsa drejtësia kritikohet.